Kjartan Már Kjartansson, bæjarstjóri Reykjanesbæjar, er kominn í veikindaleyfi. Hann mun þó áfram sinna ýmsum sérverkefnum í samráði við Halldóru Fríðu Þorvaldsdóttur, formann bæjarráðs og staðgengil bæjarstjóra, sem mun taka við stjórnartaumunum fram að áramótum.

Kjartan Már greindist með krabbamein í sumar. Hormónameðferð hófst strax í kjölfar greiningar og er stefnt að geislameðferð í október og nóvember. Gert er ráð fyrir að Kjartan Már taki aftur við starfi bæjarstjóra eftir áramót.