Það er klárlega margt jákvætt að gerast í Reykjanesbæ um þessar mundir, þar sem mikilvægir samningar og framkvæmdir leggja grunn að áframhaldandi uppbyggingu og þróun samfélagsins. Hér má líta yfir tvö spennandi undirskriftir sem marka mikilvægar framfarir í uppbyggingu í bæjarfélaginu:

Þróun Akademíureitsins: Rúmlega tvöföldun byggingarmagns

Lóðin við Sunnubraut 35, sem hefur verið nefnd Akademíureiturinn, er í mikilli þróun. Með nýjum samningum og skipulagsbreytingum er stefnt að því að stækka byggingarmagn úr 20.000 fermetrum í allt að 54.600 fermetra. Þar verður lögð áhersla á íbúðir fyrir eldri borgara, verslun og þjónustu. Áætlað er að allt að 120 íbúðir verði byggðar á reitnum. Stýrihópur hefur verið stofnaður til að leiða verkefnið, og vinnan við næstu skref er þegar hafin.

Nýtt gervigras í Nettóhöllina

Föstudaginn 22. nóvember síðast liðinn undirrituðu Halldóra Fríða Þorvaldsdóttir, starfandi bæjarstjóri Reykjanesbæjar, og Ármann Andri Einarsson frá Metatron samning um kaup á nýju gervigrasi fyrir Nettóhöllina. Framkvæmdir hefjast í dag, 9. desember, og stefnt er að því að ljúka verkinu 11. janúar 2025. Á meðan á framkvæmdum stendur verður Nettóhöllin lokuð.

Við hlökkum til að fylgjast með framgangi þessara verkefna sem stuðla að bættum lífsgæðum og sterkari samfélagi í Reykjanesbæ!