Næstkomandi sunnudag, 18. nóvember, er alþjóðlegur minningardagur fórnarlamba umferðaslysa, en þann 1. nóvember 2012 höfðu 965 látist í umferðaslysum á Íslandi frá 1968.

Þennan dag verður minningarathöfn haldin við bráðamóttöku Landspítalans í Fossvogi klukkan 11:00 og klukkan 11:15 verður fórnarlamba umferðaslysa minnst með einnar mínútu þögn.

Við hvetjum þig til að taka þátt og minnast þeirra sem hafa látist í umferðinni.

Athöfnin er á vegum Umferðastofu og embætti landlæknis.