Dagana 17.-20. október

Vetrarfrí leik- og grunnskólanna er núna um helgina og nóg í boði fyrir fjölskyldur í Reykjanesbæ sem vilja nýta dagana til samveru, útivistar og afþreyingar. Hér fyrir neðan getið þið séð opnunartíma og viðburði sem eru á dagskrá á bókasöfnum, söfnum og sundlaugum bæjarins yfir fríið en einnig er til dæmis tilvalið að ganga meðfram strandlengjunni, njóta haustsins og kíkja á Skessuna í hellinum.

Sundlaugar Reykjanesbæjar

Vatnaveröld

• Virkir dagar: 06:30–21:30

• Helgar: 09:00–18:00

Stapalaug

• Virkir dagar: 15:00–21:30

• Helgar: 09:00–18:30

Bókasöfn Reykjanesbæjar

Á bókasöfnunum verður líf og fjör í vetrarfríinu með fjölskylduvænum viðburðum.

Aðalsafn

• Virkir dagar: 09:00–18:00

• Helgar: 10:00–17:00

Stapasafn

• Virkir dagar: 08:00–18:00

• Laugardagur: 10:00–14:00

Viðburðir

• Memmm – föstudaginn 17. október kl. 10:00–12:00 og mánudaginn 20. október kl. 13:00–15:00 í Aðalsafni
  Opinn viðburður fyrir fjölskyldur með ung börn. Þar gefst tækifæri til að hitta aðra foreldra, syngja, leika og njóta samveru í rólegu umhverfi.

• Haustföndur – sunnudaginn 19. október kl. 13:00–15:00 í Aðalsafni
  Fjölskyldum er boðið í föndurstund á Aðalsafni þar sem búnir eru til fallegir haustkransar úr fjölbreyttum efnivið. Öll velkomin og aðgangur ókeypis.

• Notaleg samverustund – mánudaginn 20. október kl. 10:30–11:30 í Stapasafni
  Foreldramorgnar í Stapasafni bjóða upp á notalega stund þar sem foreldrar og ungbörn geta notið samveru í þægilegu umhverfi.

DUUS safnahús

Duus Safnahús, þar sem meðal annars eru Listasafn Reykjanesbæjar og Byggðasafn Reykjanesbæjar, verða opin alla helgina.
Þar geta gestir skoðað fjölbreyttar sýningar og tekið þátt í skapandi listsmiðjum fyrir alla aldurshópa.

Opnunartímar:

• Þriðjudagur–sunnudagur: 12:00–17:00

• Mánudagur: lokað

Viðburðir:

• Eldfjallagarður/Eldfjallasmiðja í Gryfjunni - föstudaginn 17. október kl. 12:00–17:00 og sunnudaginn 20. október kl. 12:00–15:00
  Sýning Reykjanes Geopark í Gryfjunni í Duus safnahúsum leiðir gesti í gegnum jarðsögu Reykjanesskaga með áherslu á eldgos, jarðhita og önnur sérkenni svæðisins.
  Gestir eru hvattir til að taka innblástur úr sýningunni og búa saman til eldfjallagarð – föndra eða teikna eldfjall eða annað sem tengist náttúru og jarðfræði svæðisins. Allt efni verður á staðnum.
  
• Ratleikir í Byggðasafni Reykjanesbæjar - föstudaginn 17. október kl. 12:00–17:00 og sunnudaginn 20. október kl. 12:00–15:00
  Á sýningum Byggðasafns Reykjanesbæjar í Duus safnahúsum eru ratleikir í boði fyrir alla aldurshópa.

• Haustlauf / Autumn Leaves – laugardagur 18. október kl. 13:00-14:00
  Opin listsmiðja fyrir börn á öllum aldri þar sem lauf eru teiknuð eða unnin með frottage-aðferð. Freyja Eilíf leiðir smiðjuna og efniviður er á staðnum.

Við hvetjum íbúa til að nýta vetrarfríið til að njóta þess sem Reykjanesbær hefur upp á að bjóða, hvort sem það er í sundi, á safni eða úti í náttúrunni.