Notendaráð fatlaðs fólks

Vilt þú taka þátt í notendaráði fatlaðs fólks í Reykjanesbæ?  

Reykjanesbær óskar eftir fólki sem vill starfa í notendaráði og hafa þannig áhrif á málefni fatlaðs fólks í sveitarfélaginu. Starf notendaráðs sem eingöngu er skipað fötluðu fólki er að gefa álit sitt á stefnumótun um málefni fatlaðs fólks í Reykjanesbæ ásamt því að taka upp mál að eigin frumkvæði. 

Skilyrði fyrir setu í ráðinu eru að þátttakendur séu búsett í Reykjanesbæ og nýti sér þjónustu sveitafélagsins vegna fötlunar sinnar.  Undanfari setu í notendaráði er námskeið þar sem farið er yfir umhverfið sem notendaráðið mun starfa í s.s. lög, stjórnsýsla o.fl. Námskeiðið hefst 7. október frá kl. 16.00 - 17.20 og verður sex skipti.  

Umsóknarfrestur í notendaráðið er til 5. október og skal sækja um á  MSS.is eða í síma 421 7500.   

Kennari námskeiðsins er Tinna Kristjánsdóttir, þroskaþjálfi og ekkert gjald er fyrir þátttöku á námskeiðinu. Frekari upplýsingar veitir Jón verkefnastjóri námskeiðsins í gegnum tölvupóstfangið jonkp87@gmail.com