Notum Strætó á Ljósanótt

Íbúar og gestir Ljósanætur eru hvattir til að skilja bílinn eftir heima og nýta sér Ljósanæturstrætó. Ekið verður eftir núverandi leiðakerfi með nokkrum undantekningum.

Áætlunin er sem hér segir:

• Fimmtudagur 1. september – akstur samkvæmt áætlun nema á milli kl. 09:30 og 12 en þá fellur allur akstur niður vegna setningarhátíðar Ljósanætur.
  
  
• Föstudagur 2. september – akstur samkvæmt áætlun til kl. 16 en þá tekur Ljósanæturstrætó við. Akstur Ljósanæturstrætó stendur frá kl. 16 til 23.
  
  
• Laugardagur 3. september – Ljósanæturstrætó frá kl. 12 til 16 og kl. 19 til 24.

Þegar Ljósanæturstrætó tekur við af venjulegri áætlun kl. 16 á föstudegi og allan laugardaginn verður engin skiptistöð í Krossmóa heldur aka vagnarnir allir inn í sín hverfi frá sérstökum söfnunarstað á hátíðarsvæði. Söfnunarstaðurinn er við höfuðstöðvar BUS4U að Vesturbraut 12 og verða vagnarnir merktir þeim þremur leiðum sem þeir aka, Keflavíkurleið, Njarðvíkurleið og Ásbrúarleið. Ekið verður á heila tímanum frá upphafsstað við Vesturbraut en á hálfa tímanum frá endastöðvum leiða. Síðasti bíll fer frá Vesturbraut kl. 23 á föstudagskvöld og kl. 24 á laugardagskvöld. Frítt er í Ljósanæturstrætó.

Meðfylgjandi kort sýnir leiðakerfi Ljósanæturstrætó.

Ljósanæturstrætó – Hafnir,

Panta verður ferðina hjá A-stöðinni í síma 420 1212, minnst 20 mínútum fyrir áætlaða brottför skv. tímatöflu Ljósanæturstrætó

Gleðilega Ljósanótt 2022