Reykjanesbær opnar nýjan losunarstað fyrir garðaúrgang mánudaginn 1. september.

Losunarstaðurinn er staðsettur að Berghólabraut 2, 230 Reykjanesbæ. Hann verður opinn allan sólarhringinn og gjaldfrjáls fyrir íbúa Reykjanesbæjar.

Móttakan verður rekin í samstarfi við Kölku sem mun annast umsjón svæðisins. Kalka sér jafnframt um endurvinnslu þess garðaúrgangs sem safnast saman.

Með tilkomu nýs losunarstaðar er lögð áhersla á að bæta þjónustu við íbúa og styðja við sjálfbæra og umhverfisvæna meðhöndlun garðaúrgangs.