Bæjarfulltrúar Reykjanesbæjar hafa verið rafvæddir. Bæjarstjórnarfundurinn í gær var sá fyrsti í sögu bæjarsins þar sem útprentuð dagskrá og fylgigögn voru úr sögunni og öll gögn komin í spjaldtölvur. Fulltrúar bæjarráðs eru einnig rafvæddir.

Á undanförnum mánuðum hefur aukin áhersla verið lögð í rafvæðingu stjórnsýslunnar í Reykjanesbæ. Rafvæðing tryggir varðveislu gagna, eykur gagnsæi stjórnsýslunnar og skilvirkni, m.a. í formi peninga- og vinnusparnaðar.