- Þjónusta
- Velferð og stuðningur
- Menntun og fræðsla
- Skipulags-, bygginga- og umhverfismál
- Íþróttir og tómstundir
- Stjórnsýsla
- Mannlíf
- Mitt Reykjanes
Skólamatur ehf. mun áfram sjá um hádegismat í grunnskólum bæjarins
Frá undirritun og handsali samningsins í Njarðvíkurskóla í hádeginu. F.v. Helgi Arnarson sviðsstjóri Fræðslusviðs, Kjartan Már Kjartansson bæjarstjóri, Jón Axelsson framkvæmdastjóri Skólamatar (standandi), Axel Jónsson eigandi Skólamatar, Fanný Axelsdóttir mannauðs- og samskiptastjóri Skólamatar, ásamt nemendum í Njarðvíkurskóla og Jóni Inga Benediktssyni innkaupastjóra Reykjanesbæjar.
15.05.2017
Fréttir
Í morgun var undirritaður samningur á milli Reykjanesbæjar og Skólamatar ehf. um framleiðslu og framreiðslu á skólamat fyrir grunnskóla Reykjanesbæjar að undangengnu útboði sem Ríkiskaup hafði umsjón með. Undirritunin fór fram í Njarðvíkurskóla á matmálstíma.
Tvö tilboð bárust annað frá ISS Ísland ehf. að upphæð kr. 624.832.598.- og hitt frá Skólamat ehf. að upphæð kr. 567.171.765. Kostnaðaráætlun Reykjanesbæjar var kr. 658.148.291. Samningurinn er til 3 ára með möguleika á framlengingu 2 x 1 ár eða að hámarki til 5 ára.
Ávinningur af þessu útboði miðað við 3 ára samning er því kr. 90.976.526.- eða um 14%. Bæði tilboðin voru undir kostnaðaráætlun. Skólamatur ehf. var með eldri samninginn og mun því áfram sinna grunnskólum í Reykjanesbæ og hefur samstarfið gengið mjög vel á undanförnum árum.
Við óskum því Skólamat ehf. til hamingju með áframhaldandi samstarf.
