Innan girðingar og utan - söfnun frásagna um varnarliðið á Miðnesheiði

Byggðasafn Reykjanesbæjar og Þjóðminjasafn Íslands safna nú-heimildum um varnarliðið á Miðnesheiði og áhrif þess á líf og störf Íslendinga. Á Safnahelgi á Suðurnesjum verða nýjar spurningaskrár þessu tengdar settar í loftið.

Þau sem hafa áhuga geta tekið þátt í verkefninu og svarað einni eða fleiri spurningaskrám. Spurningaskrárnar verður einnig hægt að nálgast í gegnum menningarsögulega gagnasafnið Sarp.

Verkefnið kynnt í Duus Safnahúsum

Eva Kristín Dal, safnstjóri Byggðasafns Reykjanesbæjar, og Helga Vollertsen, sérfræðingur þjóðhátta við Þjóðminjasafn Íslands, munu kynna verkefnið fyrir gestum Duus Safnahúsa laugardaginn 18. mars.