Vegna þeirra tíðinda sem bárust okkur um fjögurleytið í dag vil ég senda ykkur nokkur vel valin orð. Við stöndum frammi fyrir mögulegum náttúruhamförum sem gætu haft áhrif á bæjarfélagið okkar. Reykjanesbær fylgist vel með jarðhræringum á Reykjanesskaga og þeim sviðsmyndum sem upp geta komið. Það er enginn í hættu og við biðjum bæjarbúa um að fylgjast grannt með og fara eftir tilmælum frá almannavarnadeild Ríkislögreglustjóra. Það er einnig gott að fylgjast með Facebook síðu lögreglunnar á Suðurnesjum 

Það er eðlilegt að finna fyrir sálrænum einkennum þegar náttúruvá ber að garði og ég vil benda íbúum á gagnlega samantekt frá Rauða Krossinum. Einnig er hægt að hringja í hjálparsíma Rauða krossins 1717 ef áhyggjur gera vart við sig.