Retrieverdeild Hundaræktarfélags Íslands heldur veiðipróf fyrir sækjandi hunda þann 27. apríl við Seltjörn.

Prófin eru sett upp til að líkja eftir raunverulegum aðstæðum í veiðum þar sem hundar eru látnir sækja bráð sem lögð er út og hundar eru metnir að eiginleikum eftir norrænum reglum af dómara. Prófað verður í byrjendaflokki, opnum flokki og úrvalsflokki. Prófið verður sett klukkan 9:00 um morguninn og stendur fram yfir hádegi. Seltjörn er afar áhorfendavænt svæði þar sem hægt er að fylgjast með framgangi prófsins og er kjörið tækifæri til að efla áhuga á þjálfun á veiðihundum og ræða við reyndara fólk í þeim efnum.

Meiri upplýsingar er að finna á heimasíðu deildarinnar, www.retriever.is