Jafnrétti er ákvörðun – Reykjanesbær hlaut viðurkenningu Jafnvægisvogarinnar

Reykjanesbær, ásamt 38 fyrirtækjum, 6 sveitarfélögum og 8 opinberum aðilum hlaut viðurkenningu Jafnvægisvogarinnar, hreyfiaflsverkefni FKA.

Reykjanesbær skrifaði undir viljayfirlýsingu Jafnvægisvogarinnar haustið 2020 þar sem meðal annars er sett markmið um 40/60 kynjahlutfall í efsta stjórnendalagi, að vera til fyrirmyndar í jafnréttisstarfi, standa fyrir viðburðum og fræðslu og vekja samfélagið til umhugsunar um virði fjölbreytileikans og jafnvægis.

Stefna Reykjanesbæjar sem ber heitið í krafti fjölbreytileikans, er í anda jafnréttis og jafnvægis og ætlar Reykjanesbær að halda áfram að hafa jafnrétti sem eina grunnforsendu í allri ákvarðanatöku hjá sveitarfélaginu.