Reykjanesbær auglýsir eftir umsóknum í Menningarsjóð Reykjanesbæjar og hvetur skapandi einstaklinga, menningarhópa, félagasamtök og listafólk til að taka þátt í að efla menningar- og mannlíf bæjarins árið 2026 með fjölbreyttum og aðgengilegum verkefnum í þágu íbúa.

Í boði eru tvenns konar styrkir:

Verkefnastyrkir til skapandi verkefna

Veittir verða verkefnastyrkir til skapandi og menningartengdra verkefni sem bjóða íbúum Reykjanesbæjar upp á fjölbreytta upplifun á árinu 2026.

Umsóknir geta borist frá einstaklingum, hópum eða félagasamtökum.

Í umsókn skal koma fram:

• greinargóð lýsing á verkefni
• markmið og fyrirhugaður afrakstur
• kostnaðaráætlun

Hvort sem um ræðir sýningu, tónleika, námskeið, viðburð, útgáfu, gjörning eða annað verkefni, er hvatt til umsókna.

Þjónustusamningar við menningarhópa

Ákveðnu fjármagni verður varið í þjónustusamninga við starfandi menningarhópa í Reykjanesbæ fyrir árið 2026.

Samningarnir fela í sér margvíslega þjónustu, svo sem:

• þátttöku í viðburðum
• námskeiðahald
• önnur verkefni sem stuðla að lifandi samfélagi

Menningarhópar sem þegar eru með þjónustusamning eru beðnir um að skila samantekt um starfsemi liðins starfsárs með umsókn sinni, sem rökstuðningi fyrir endurnýjun samnings.

Umsóknarfrestur og skil

Umsóknarfrestur er til og með 9. febrúar

Umsóknum skal skila rafrænt í gegnum Mitt Reykjanes.
Eftir innskráningu er smellt á Valmynd og Umsóknir, síðan á Alla flokka og Styrkumsóknir og viðeigandi umsókn valin.

Nánari upplýsingar eru veittar í þjónustuveri Reykjanesbæjar í síma 421 6700 eða með tölvupósti á menning@reykjanesbaer.is