Íbúum Reykjanesbæjar gefst nú tækifæri á að nálgast moltu til eigin nota – meðan birgðir endast!

Söfnun matarleifa á Suðurnesjum árið 2024 gekk vonum framar og alls söfnuðust 935 tonn af matarleifum á svæðinu. Af því tilefni hefur Kalka sorpeyðingarstöð fengið moltu frá Gaju og dreift til sveitarfélaganna á svæðinu, þar á meðal Reykjanesbæjar.

Íbúar Reykjanesbæjar geta nálgast moltu á eftirtöldum stöðum:

• Til móts við Trönudal 11

• Til móts við Þjóðbraut 2 – Ásbrú

• Heiðarberg – við gryfjuna

Mikilvægt er að íbúar komi með eigin ílát, svo sem fötu eða fjölnota poka, til að sækja moltuna.

Moltan er ætluð til notkunar utanhúss og hentar vel í beð, garða og græn svæði. Hún er þó mjög sterk og ekki æskileg til notkunar óblönduð – rætur plantna geta verið viðkvæmar fyrir henni.

Með því að nýta moltu er stuðlað að betri jarðvegi, kolefnisbindingu og heilbrigðara vistkerfi.

Nánari upplýsingar um moltuna má finna í frétt Kölku.