Viðstaddir: Aðalheiður Hilmarsdóttir, Alexander Ragnarsson, Birgitta Rún Birgisdóttir, Díana Hilmarsdóttir, Guðbergur Reynisson, Guðný Birna Guðmundsdóttir, Halldóra Fríða Þorvaldsdóttir, Helga María Finnbjörnsdóttir, Hjörtur Magnús Guðbjartsson, Margrét Þórarinsdóttir og Róbert Jóhann Guðmundsson. Í forsæti var Guðný Birna Guðmundsdóttir.

 

Að auki sátu fundinn Kjartan Már Kjartansson bæjarstjóri og Hrefna Gunnarsdóttir ritari.

 

Sigurrós Antonsdóttir boðaði forföll, Aðalheiður Hilmarsdóttir sat fyrir hana.

Margrét A. Sanders boðaði forföll, Birgitta Rún Birgisdóttir sat fyrir hana.

Bjarni Páll Tryggvason boðaði forföll, Róbert Jóhann Guðmundsson sat fyrir hann.

Sverrir Bergmann Magnússon boðaði forföll, Hjörtur Magnús Guðbjartsson sat fyrir hann.

 

 

Forseti gaf orðið laust.

 

Til máls tók Margrét Þórarinsdóttir (U) og lagði fram eftirfarandi bókanir:

 

 

„Umbót ítrekar bókun sína um uppbyggingu við Víkingaheima sem liggur fyrir í fundargerð bæjarráðs.

 

Þrátt fyrir að bæjarráð hafi tekið undir bókun Umhverfis- og skipulagsráðs og vísi málinu til næsta kjörtímabils, standa alvarlegar athugasemdir Umbótar við málsmeðferðina óbreyttar. Engar efnislegar forsendur hafa breyst frá því faglegt mat skipulagssviðs lá fyrir og beiðni var hafnað, og engin ný gögn hafa verið lögð fram sem réttlæta að málið hafi verið tekið aftur til afgreiðslu á þessum vettvangi.

 

Umbót telur að þessi málsmeðferð grafi undan faglegu skipulagsferli, fyrirsjáanleika og jafnræði, og leggur áherslu á að

þegar og ef málið kemur aftur til skoðunar, verði það tekið upp frá grunni, á réttum vettvangi og á grundvelli faglegs mats, óháð einstökum hagsmunum.“

 

Margrét Þórarinsdóttir Umbót.

 

 

„Umbót og Sjálfstæðisflokkurinn telja að svör meirihlutans, sem lögð voru fram í kjölfar beiðni bæjarráðs frá 7. ágúst 2025 og bókun meirihlutans 29. janúar 2026, fari enn hjá kjarna þeirrar beiðni sem lögð var fram.

 

Óskað var eftir skýru heildaruppgjöri á því hve mikið einstök framkvæmdaverkefni fóru fram úr samþykktum kostnaðaráætlunum bæjarstjórnar, hvenær slíkar breytingar voru samþykktar og á hvaða forsendum.

 

Þau gögn sem lögð hafa verið fram eru að mestu leyti sundurliðanir á framkvæmdarkostnaði, rekstrarlegar og tæknilegar skýringar og samanburður við önnur sveitarfélög.

 

Slík gögn geta verið gagnleg til upplýsinga, en þau koma ekki í stað stjórnsýslulegs uppgjörs gagnvart þeim kostnaðaráætlunum sem bæjarstjórn Reykjanesbæjar sjálf samþykkti.

 

Þrátt fyrir umfangsmiklar upplýsingar liggur enn ekki fyrir samræmt heildaryfirlit sem sýnir, fyrir hvert verkefni hve upphaflega samþykkta kostnaðaráætlun, raunkostnað, frávik í krónum og prósentum, dagsetningar samþykktra breytinga og forsendur þeirra ákvarðana.

 

Umbót og Sjálfstæðisflokkurinn ítreka að slík framsetning er forsenda gagnsæis, ábyrgðar og lærdóms af stórum fjárfestingarverkefnum sveitarfélagsins. Samanburður við önnur sveitarfélög eða almennar skýringar á framkvæmdum leysa ekki af hólmi uppgjör gagnvart ákvörðunum bæjarstjórnar Reykjanesbæjar.

 

Því óska Umbót og Sjálfstæðisflokkurinn eftir nýju og skýru svari, þar sem lagt er fram heildaruppgjör í samræmi við upprunalega beiðni bæjarráðs frá 7. ágúst 2025.“

 

Margrét Þórarinsdóttir Umbót, Alexander Ragnarsson, Guðbergur Reynisson og Birgitta Rún Birgisdóttir Sjálfstæðisflokki.

 

Forseti gaf orðið laust. Til máls tóku Halldóra Fríða Þorvaldsdóttir og Margrét Þórarinsdóttir.

 

Til máls tók Guðný Birna Guðmundsdóttir (S) og lagði fram eftirfarandi bókun:

 

 

„Meirihluti bæjarstjórnar tekur fram að þegar erindi berst bæjarráði þá er eðlilegt að það sé tekið á dagskrá og fái stjórnsýslulega meðferð. Erindið sem barst bæjarráði var annað en það sem upphaflega var tekið fyrir hjá umhverfis- og skipulagsráði. Þegar erindið barst bæjarráði voru aðrar forsendur í málinu og því var vísað til umhverfis- og skipulagsráðs og óskað umsagnar. Umsögn barst frá umhverfis- og skipulagsráði og meirihlutinn ítrekar að hann tók undir bókun ráðsins um að ákvörðun um mögulega breytingu á notkun svæðisins verði tekin samhliða endurskoðun aðalskipulags sem ráðgert er að hefjist síðar á þessu ári. Það hafa því engar ákvarðanir verið teknar um nýtingu landsins. Meirihluti bæjarstjórnar telur eðlilegt að samtal fari fram við þróunaraðila sem á hluta af því landi sem um ræðir ásamt því að með þessari ákvörðun fer fram gott samtal við íbúa svo unnt sé að skoða málið faglega frá öllum hliðum.“

 

Guðný Birna Guðmundsdóttir, Hjörtur Magnús Guðbjartsson og Aðalheiður Hilmarsdóttir Samfylkingu, Díana Hilmarsdóttir, Halldóra Fríða Þorvaldsdóttir og Róbert Jóhann Guðmundsson Framsókn og Helga María Finnbjörnsdóttir Beinni leið.

 

Til máls tóku Guðbergur Reynisson, Guðný Birna Guðmundsdóttir, Alexander Ragnarsson og Halldóra Fríða Þorvaldsdóttir.

 

Fundargerðirnar samþykktar 11-0.

 

 

 

 

Forseti gaf orðið laust um fundargerðina. Til máls tók Guðný Birna Guðmundsdóttir.

 

Fundargerðin samþykkt 11-0.

 

 

 

 

Forseti gaf orðið laust um fundargerðina. Til máls tóku Hjörtur Magnús Guðbjartsson, Guðbergur Reynisson og Kjartan Már Kjartansson.

 

Til máls tók Guðbergur Reynisson (D) og lagði fram eftirfarandi bókun:

 

„Sjálfstæðisflokkurinn og Umbót óska eftir að fá yfirlit yfir allar óbyggðar atvinnulóðir sem hafa verið í úthlutun lengur en í 2 ár innan Reykjanesbæjar, sem og atvinnulóðir sem hafa jafnvel ekki verið úthlutað, eða greidd gjöld af.“

 

Alexander Ragnarsson, Guðbergur Reynisson og Birgitta Rún Birgisdóttir Sjálfstæðisflokki og Margrét Þórarinsdóttir Umbót.

 

Til máls tóku Alexander Ragnarsson og Guðný Birna Guðmundsdóttir.

 

Fundargerðin samþykkt 11-0.

 

 

 

 

Forseti gaf orðið laust um fundargerðina. Til máls tóku Guðný Birna Guðmundsdóttir, Kjartan Már Kjartansson og Hjörtur Magnús Guðbjartsson.

 

Fundargerðin samþykkt 11-0.

 

 

 

 

Forseti gaf orðið laust um fundargerðina. Til máls tóku Birgitta Rún Birgisdóttir og Guðný Birna Guðmundsdóttir.

 

Fundargerðin samþykkt 11-0.

 

 

 

 

Til máls tók Guðný Birna Guðmundsdóttir.

 

Forseti gerir fundarhlé kl. 17:50

Fundur aftur settur kl. 17:56

 

Til máls tók Guðný Birna Guðmundsdóttir og fór yfir svör vegna fyrirspurnar sem lögð var fram á fundi bæjarstjórnar 6. janúar sl. undir máli eitt frá Fundargerð stjórnar Eignasjóðs 18. desember 2025.

 

Forseti gerir fundarhlé kl. 18:12

Fundur aftur settur kl. 18:28

 

Forseti bar upp tillögu um að fresta frekari umræðu til næsta bæjarstjórnarfundar 17. febrúar 2026. Samþykkt 11-0.

 

 

Guðný Birna Guðmundsdóttir fór yfir efnisþætti erindisbréfsins.

 

Erindisbréfi fyrir samráðshóp um málefni fatlaðs fólks vísað til síðari umræðu í bæjarstjórn 17. febrúar 2026.

 

 

Guðný Birna Guðmundsdóttir fór yfir breytingar frá fyrri umræðu um húsnæðisáætlun Reykjanesbæjar 2026.

 

Til máls tók Guðný Birna Guðmundsdóttir (S) og lagði fram eftirfarandi bókun:

 

„Meirihluti bæjarstjórnar Reykjanesbæjar leggur áherslu á að húsnæðisuppbygging í sveitarfélaginu byggist á langtímasýn og jafnvægi í framboði húsnæðis. Á næstu tíu árum er gert ráð fyrir uppbyggingu um 3.154 íbúða, þar af um 456 sérbýla eða 14,4%. Þess má geta að í dag eru hlutfall sérbýla 43% og ef áætlunin raungerist verður það 33%.

 

Með þessari stefnu verður hlutfall sérbýla áfram hærra en í sambærilegum sveitarfélögum en á Akureyri og Hafnarfirði er hlutfall sérbýla um 15-20%. Uppbyggingin endurspeglar raunverulega eftirspurn og tryggir fjölbreytt búsetuform, þar sem bæði er gert ráð fyrir fjölbýli og sérbýlum. Meirihluti bæjarstjórnar telur mikilvægt að viðhalda þessari jafnvægisnálgun, þar sem húsnæðismál snúast ekki eingöngu um magn heldur einnig um gæði, val og möguleika íbúa til að velja búsetuform sem hentar á hverjum tíma.

 

Til að glöggva sig betur á raunverulegum samanburði sveitarfélaga tókum við saman húsnæðisáætlanir frá Suðurnesjabæ og Vogum til viðmiðunar á Suðurnesjum en auk þess samanburð frá sambærilegum sveitarfélögum í fjölda íbúa líkt og Akureyri, Hafnarfjörð, Kópavog og Mosfellsbæ.

 

Einnig er athyglisvert að í húsnæðisáætlunum kemur fram í viðauka, spurningar úr áætlanakerfi HMS þar sem spurt er um eftirspurn eftir lóðum, eftir hvers konar íbúðartegund er mesta og minnsta eftirspurn eftir.

 

Íbúðir í byggingu í sveitarfélögum (húsnæðisáætlanir sveitarfélaganna og HMS):

 

Vogar (1.985 íbúar): Einbýli 2, par- og raðhús 27, fjölbýli 106. Mest eftirspurn eftir parhúsum/raðhúsum og tvíbýli en minnst eftir einbýli.

 

Kópavogur (41.696 íbúar): Einbýli 6, par- og raðhús 11, fjölbýli 701. Mest eftirspurn eftir fjölbýli og minnst eftir einbýli.

 

Suðurnesjabær (4.394 íbúar): Einbýli 7, par- og raðhús 38, fjölbýli engin. Mesta eftirspurnin er eftir parhúsum/raðhúsum

og tvíbýlum en minnst eftir einbýli.

 

Akureyri (20.656 íbúar): Einbýli 12, par- og raðhús 18, fjölbýli 218. Mest eftirspurn eftir fjölbýli og minnst eftir einbýli.

 

Hafnarfjörður (33.695 íbúar): Einbýli 25, par- og raðhús 68, fjölbýli 1.512. Mest eftirspurn eftir fjölbýli og minnst eftir einbýli.

 

Mosfellsbær (14.255 íbúar): Einbýli 26, par- og raðhús 49, fjölbýli 70. Ósvarað.

 

Reykjanesbær (24.614 íbúar): Einbýli 38, par- og raðhús 27, fjölbýli 443. Mesta eftirspurnin er eftir fjölbýli og minnst eftir einbýlum. Erum eitt af fáum sveitarfélögum sem náum að anna eftirspurn eftir lóðum.

 

Það liggur alveg ljóst fyrir að þegar uppbygging einbýla er borin saman við önnur sveitarfélög á Suðurnesjum og önnur sambærileg sveitarfélög að íbúafjölda, er Reykjanesbær að byggja flest einbýli af þeim öllum. Auk þess er eftirspurnin eftir einbýli minnst í Reykjanesbæ en mest eftir fjölbýli. Að halda því fram að ekki sé nægjanlegt framboð af uppbyggingu einbýla, er einfaldlega ekki rétt og hér kristallast líka að eftirspurn markaðarins er eftir fjölbýli, ekki einbýli.“

 

Guðný Birna Guðmundsdóttir, Hjörtur Magnús Guðbjartsson og Aðalheiður Hilmarsdóttir Samfylkingu, Díana Hilmarsdóttir, Halldóra Fríða Þorvaldsdóttir og Róbert Jóhann Guðmundsson Framsókn og Helga María Finnbjörnsdóttir Beinni leið.

 

Forseti gaf orðið laust.

 

Til máls tók Margrét Þórarinsdóttir (U) og lagði fram eftirfarandi bókun:

 

„Umbót og Sjálfstæðisflokkurinn leggjast gegn húsnæðisáætlun meirihlutans og greiða atkvæði á móti.

 

Í fyrri umræðu var bent á að húsnæðisáætlunin endurspegli ekki vilja íbúa Reykjanesbæjar, né fjölbreyttar þarfir samfélagsins. Þrátt fyrir þær ábendingar hefur engin efnisleg breyting verið gerð á áætluninni.

 

Áætlunin gerir ráð fyrir að 86% allrar uppbyggingar næstu tíu ára verði fjölbýli, á meðan hlutur sérbýlis er verulega takmarkaður. Þetta gengur þvert á niðurstöður kannana og eftirspurn íbúa, þar sem skýr vilji er fyrir meiri fjölbreytni í búsetuformum, þar á meðal sérbýli.

 

Meirihlutinn viðurkennir sjálfur í gögnum sínum að eftirspurn eftir einbýlis- og parhúsalóðum hafi aukist, en kýs engu að síður að halda áfram stefnu sem þrengir valkosti íbúa og er mótuð ofan frá og niður, án raunverulegrar hlustunar.

 

Umbót og Sjálfstæðisflokkurinn telja að húsnæðisuppbygging eigi að byggja á þörfum fólksins sem hér býr, ekki á einhliða pólitískri stefnu. Þar sem áætlunin hefur ekki verið endurskoðuð í samræmi við þessar ábendingar, geta Umbót og Sjálfstæðisflokkurinn ekki samþykkt hana.

 

Reykjanesbær á að þróast í takt við íbúana – ekki þvert á vilja þeirra.“

 

Margrét Þórarinsdóttir Umbót, Guðbergur Reynisson, Alexander Ragnarsson og Birgitta Rún Birgisdóttir Sjálfstæðisflokki.

 

Forseti gaf orðið laust. Til máls tóku Alexander Ragnarsson, Halldóra Fríða Þorvaldsdóttir og Margrét Þórarinsdóttir.

 

Húsnæðisáætlun Reykjanesbæjar 2026 samþykkt 7-0 með atkvæðum Guðnýjar Birnu Guðmundsdóttur, Hjartar Magnúsar Guðbjartssonar og Aðalheiðar Hilmarsdóttur Samfylkingu, Díönu Hilmarsdóttur, Halldóru Fríðu Þorvaldsdóttur og Róberts Jóhanns Guðmundssonar Framsókn og Helgu Maríu Finnbjörnsdóttur Beinni leið. Margrét Þórarinsdóttir Umbót, Guðbergur Reynisson, Alexander Ragnarsson og Birgitta Rún Birgisdóttir Sjálfstæðisflokki greiða atkvæði á móti.

 

 

 

Bjarni Páll Tryggvason (B) hefur óskað eftir lausn frá setu í bæjarstjórn og bæjarráði vegna anna í starfi frá og með 1. febrúar 2026. Næsti bæjarfulltrúi Framsóknar sem aðalmaður er samkvæmt lista Róbert Jóhann Guðmundsson.

 

Róbert Jóhann Guðmundsson (B) fer út sem varamaður í bæjarstjórn, næsti bæjarfulltrúi inn sem varamaður er Aneta Zdzislawa Grabowska.

 

Sverrir Bergmann Magnússon (S) hefur óskað eftir lausn frá setu í bæjarstjórn vegna anna í starfi frá og með 1. febrúar 2026. Næsti bæjarfulltrúi Samfylkingar sem aðalmaður er samkvæmt lista Hjörtur Magnús Guðbjartsson.

 

Hjörtur Magnús Guðbjartsson fer út sem varamaður í bæjarstjórn, næsti bæjarfulltrúi inn sem varamaður er Sindri Kristinn Ólafsson.

 

 

Bjarni Páll Tryggvason (B) fer út sem aðalmaður í bæjarráði, næstur inn skv. lista sem aðalmaður er Díana Hilmarsdóttir. Trausti Arngrímsson verður varamaður skv. lista.

 

Sverrir Bergmann Magnússon (S) fer út sem varamaður, næstur inn skv. lista sem varamaður er Sigurrós Antonsdóttir.

 

 

Bjarni Páll Tryggvason fer út sem 1. varaforseti, tillaga er um Díönu Hilmarsdóttur. Ekki komu fram aðrar tillögur og er hún sjálfkjörin.

 

 

Díana Hilmarsdóttir fer út sem skrifari bæjarstjórnar, tillaga er um Róbert Jóhann Guðmundsson. Ekki komu fram aðrar tillögur og er hann sjálfkjörinn.

 

 

Bjarni Páll Tryggvason fer úr forsetanefnd, 1. varaforseti Díana Hilmarsdóttir kemur inn í forsetanefndina.

 

 

Sverrir Bergmann Magnússon (S) fer út sem aðalmaður í menningar- og þjónusturáði, tillaga er um Aðalheiði Hilmarsdóttur (S) sem aðalmaður. Ekki komu fram aðrar tillögur og er hún sjálfkjörin.

 

 

Sverrir Bergmann Magnússon (S) fer út sem aðalmaður í menntaráði, tillaga er um Guðnýju Birnu Guðmundsdóttur sem aðalmann. Ekki komu fram aðrar tillögur og er hún sjálfkjörin.

 

Guðný Birna Guðmundsdóttir fer út sem varamaður, tillaga er um Hjört Magnús Guðbjartsson. Ekki komu fram aðrar tillögur og er hann sjálfkjörinn.

 

 

Bjarni Páll Tryggvason (B) fer út sem varamaður í umhverfis- og skipulagsráði. Tillaga er um Sigurð Guðjónsson. Ekki komu fram aðrar tillögur og er hann sjálfkjörinn.

 

 

Sverrir Bergmann Magnússon (S) fer út úr Farsældarráði Suðurnesja. Tillaga er um Sigurrósu Antonsdóttur. Ekki komu fram aðrar tillögur og er hún sjálfkjörin.

 

 

Sverrir Bergmann Magnússon (S) fer út sem varamaður í stjórn Brunavarna Suðurnesja, Sigurrós Antonsdóttir kemur inn sem varamaður. Ekki komu fram aðrar tillögur og er hún sjálfkjörin.

 

 

Bjarni Páll Tryggvason (B) fer út sem varamaður í stjórn Sambands sveitarfélaga á Suðurnesjum. Díana Hilmarsdóttir kemur inn sem varamaður. Ekki komu fram aðrar tillögur og er hún sjálfkjörin.

 

 

Fleira ekki gert og fundi slitið kl. 19:00.