41. fundur

41. fundur lýðheilsuráðs Reykjanesbæjar var haldinn að Tjarnargötu 12 þann 19. september 2023, kl. 14:00

Viðstaddir: Bjarney Rut Jensdóttir formaður, Anna Lydía Helgadóttir, Jóhanna Björk Sigurbjörnsdóttir, Karítas Lára Rafnkelsdóttir og Magnús Einþór Áskelsson.

Að auki sátu fundinn Hafþór Birgisson íþrótta- og tómstundafulltrúi og Íris Eysteinsdóttir ritari.

1. Lýðheilsuvísar 2023 fyrir Reykjanesbæ (2023090427)

Hafþór Birgisson íþrótta- og tómstundafulltrúi Reykjanesbæjar fór yfir niðurstöður lýðheilsuvísa sem voru frumfluttir 14. september og í fyrsta skipti niðurbrotið fyrir 9 fjölmennustu sveitarfélögin.

Lýðheilsuráð er sammála um að niðurstöðurnar gefi til kynna að mikil sóknarfæri eru til að skapa aðstæður fyrir betri líðan og að íbúar Reykjanesbæjar í samstarfi við bæjaryfirvöld verði að gera allt sem í þeirra valdi stendur til að svo megi verða.

Fylgigögn:

Lýðheilsuvísar 2023 fyrir Reykjanesbæ

2. Heilsu- og forvarnarvika Reykjanesbæjar 2023 (2023060135)

Hafþór Birgisson íþrótta- og tómstundafulltrúi Reykjanesbæjar kynnti heilsu- og forvarnarviku Reykjanesbæjar sem fram fer 25. september – 1. október nk.

Dagskráin í heild sinni verður birt inn á visitreykjanesbaer.is

Fylgigögn:

Heilsu- og forvarnarvika

Viltu vera þátttakandi í heilsu- og forvarnarviku?

3. Snjallsímalausir grunnskólar (2023030312)

Bjarney Rut Jensdóttir formaður lýðheilsuráðs sagði frá vinnu við málþing sem lýðheilsuráð og menntaráð koma sameiginlega að í Stapa þann 28. september nk. í heilsu- og forvarnarviku Reykjanesbæjar.

Lýðheilsuráð hefur síðastliðið ár verið í samráði við fagfólk og skoðað rannsóknir vegna geðheilbrigði ungmenna í tengslum við notkun snjalltækja og samfélagsmiðla. Lýðheilsuráð vill með þessu málþingi fá aðila sem starfa innan skólasamfélagsins, ungmenni og foreldra þeirra til þess að koma og taka þátt í umræðu um áhrif snjalltækja á ungmenni í nútímasamfélagi.

4. Æskulýðsvettvangurinn (2023090428)

Lýðheilsuráð leggur áherslu á að þau sem starfa með börnum og ungmennum kynni sér vel áherslur æskulýðsvettvangsins.

Lýðheilsuráð felur Hafþóri Birgissyni íþrótta- og tómstundafulltrúa að koma upplýsingum á viðeigandi aðila.

Fylgigögn:

Æskulýðsvettvangurinn

5. Heilsueflandi grunnskóli – áhugaverðir dagar og viðburðir haustmisseri 2023

Dagatalið lagt fram til kynningar.

Fylgigögn:

Áhugaverðir dagar og viðburðir - haustmisseri 2023

6. Fjárhagsáætlun 2024 (2023080212)

Lýðheilsuráð fagnar að gert sé ráð fyrir áframhaldandi starfi ráðsins. Höldum áfram saman að vinna að heilsueflandi samfélagi – íbúum Reykjanesbæjar til heilla.

Fleira ekki gert og fundi slitið kl. 15.40. Fundargerðin fer til afgreiðslu bæjarstjórnar 3. október 2023.