Fundargerð 62. fundur lýðheilsuráðs Reykjanesbæjar haldinn að Grænásbraut 910 17. nóvember 2025 kl. 14:00

Viðstödd: Bjarney Rut Jensdóttir formaður, Anna Lydía Helgadóttir, Karítas Lára Rafnkelsdóttir, Jóhanna Björk Sigurbjörnsdóttir og Magnús Einþór Áskelsson.
Að auki sátu fundinn: Hafþór Barði Birgisson íþrótta- og tómstundafulltrúi, Guðdís Malín Magnúsdóttir fulltrúi ungmennaráðs og Erna María Svavarsdóttir ritari.

1. Íslenska æskulýðsrannsóknin 2025 – niðurstöður (2025100012)

Hjördís Eva Þórðardóttir, verkefnastjóri farsældar á Suðurnesjum, mætti á fundinn og kynnti niðurstöður úr Íslensku æskulýðsrannsókninni 2025 sem veitir innsýn í líðan, hegðun og lífsstíl ungmenna í Reykjanesbæ. Rætt var um jákvæða þróun í ákveðnum þáttum, svo sem aukinni þátttöku í íþróttum, en jafnframt áhyggjur af m.a. svefnvenjum og skjátíma.

Lýðheilsuráð þakkar fyrir greinargóða kynningu og minnir jafnframt á málþing um farsæld barna á Suðurnesjum: „Staða barna á Suðurnesjum: Hvernig líður börnunum okkar?“ sem haldið verður í Stapa, Hljómahöll fimmtudaginn 20. nóvember frá kl. 13:30-16:00.

Fylgigögn:

Íslenska æskulýðsrannsóknin 2025

Með því að smella hér má skoða viðburðinn „Staða barna á Suðurnesjum: Hvernig líður börnunum okkar?“ á Facebook

2. Þjónusta fyrir eldra fólk í Reykjanesbæ (2025110197)

Margrét Arnbjörg Valsdóttir, teymisstjóri öldrunar- og stuðningsþjónustu, Magdalena Ósk Hansen, deildarstjóri dagdvalar aldraðra og Silja Konráðsdóttir, sérfræðingur í félagsstarfi, mættu á fundinn og kynntu þjónustu fyrir eldra fólk í Reykjanesbæ. Fjallað var um mikilvægi hreyfingar, félagslegra tengsla og fræðslu um heilbrigðan lífsstíl.

Lýðheilsuráð þakkar fyrir góða kynningu og hvetur eldri borgara til þátttöku í margvíslegum lýðheilsuverkefnum sem víða er boðið upp á í Reykjanesbæ. Athygli er vakin á frístundastyrk fyrir 67 ára og eldri. Allt íþrótta- og tómstundastarf er kynnt á vefsíðunni fristundir.is.

Fylgigögn:

Kynning um þjónustu við eldra fólk í Reykjanesbæ

3. Notkun endurskinsmerkja - hvatning lýðheilsuráðs (2025110198)

Lýðheilsuráð minnir foreldra á að hengja endurskinsmerki á sig og börnin nú þegar skammdegið er hvað mest.

Fylgigögn:

Upplýsingar um bestu staðsetningu endurskinsmerkja

Með því að smella hér má skoða vefsíðu Frístundir.is

4. Landsátak í sundi 1.-30. nóvember 2025 (2025110201)

Lýðheilsuráð skorar á íbúa Reykjanesbæjar að taka þátt í landsátaki í sundi „Syndum“, dagana 1.-30. nóvember.

Fylgigögn:

Með því að smella hér má skoða vefsíðu Syndum.is

5. Náum áttum - morgunverðarfundur (2025110202)

Hafþór Birgisson íþrótta- og tómstundafulltrúi sagði frá morgunverðarfundi Náum áttum hópsins sem fer fram miðvikudaginn 19. nóvember nk.

Fylgigögn:

Auglýsing um morgunfund Náum áttum

Fleira ekki gert og fundi slitið kl. 15:48. Fundargerðin fer til afgreiðslu bæjarstjórnar 2. desember 2025.