446. fundur velferðarráðs Reykjanesbæjar var haldinn að Grænásbraut 910 þann 11. september 2025 kl. 13:00

Viðstaddir: Sigurrós Antonsdóttir formaður, Andri Fannar Freysson, Ásta Kristín Guðmundsdóttir, Halldóra Fríða Þorvaldsdóttir og Unnar Stefán Sigurðsson.

Að auki sátu fundinn Hera Ósk Einarsdóttir sviðsstjóri velferðarsviðs, Hilma Hólmfríður Sigurðardóttir, teymisstjóri virkni- og ráðgjafarteymis og Aðalheiður Ósk Gunnarsdóttir ritari.

Birna Ósk Óskarsdóttir boðaði forföll og sat Halldóra Fríða Þorvaldsdóttir fundinn í hennar stað. Eyjólfur Gíslason boðaði forföll og sat Unnar Stefán Sigurðsson fundinn í hans stað.

1. Fjárhagsáætlun 2026 (2025060320)

Hera Ósk Einarsdóttir sviðsstjóri velferðarsviðs fór yfir drög að fjárhagsramma velferðarsviðs og tímaáætlun fjárhagsáætlunarvinnu vegna ársins 2026.

2. Endurskoðun á reglum um akstursþjónustu leikskólabarna (2022010182)

Ólafur Garðar Rósinkarsson, verkefnastjóri í málefnum fatlaðs fólks, mætti á fundinn og fór yfir stöðuna á vinnu við endurskoðun á reglum um akstursþjónustu leikskólabarna.

Velferðarráð felur verkefnastjóra í málefnum fatlaðs fólks að vinna málið áfram.

3. Styrkir til fatlaðs fólks vegna náms og verkfærakaupa (2024030016)

Ólafur Garðar Rósinkarsson, verkefnastjóri í málefnum fatlaðs fólks, mætti á fundinn og gerði grein fyrir málinu.

Velferðarráð vísar málinu til bæjarráðs.

4. Álagsmælingar í barnavernd (2025090159)

Niðurstöður álagsmælingar sem framkvæmdar voru hjá barnaverndarþjónustu í mars og júní 2025 lagðar fram.

5. Ljósanótt - skýrsla athvarfs (2024120245)

Skýrsla um starfsemi barnaverndarþjónustu í athvarfi á Ljósanótt 2025 lögð fram.

Velferðarráð lýsir yfir ánægju með hversu vel Ljósanæturhátíðin fór fram og þakkar öllum sem að komu fyrir vel unnin störf og gott samstarf.

6. Farsældarráð Suðurnesja - tilnefningar (2025060040)

Á fundi bæjarráðs 4. september sl. var lagt fram erindi frá verkefnastjóra farsældar á Suðurnesjum þar sem óskað var eftir tilnefningum á fulltrúum Reykjanesbæjar í farsældarráð Suðurnesja og framkvæmdahóp farsældarráðs.

Bæjarráð tilnefndi í farsældarráð Suðurnesja þau Heru Ósk Einarsdóttur fyrir hönd velferðarsviðs, Helga Arnarson fyrir hönd menntasviðs, Sverri Bergmann Magnússon fyrir hönd meirihluta bæjarstjórnar og Margréti Þórarinsdóttur fyrir hönd minnihluta bæjarstjórnar. Í framkvæmdahóp voru tilnefndar Kolfinna Njálsdóttir deildarstjóri skólaþjónustu fyrir hönd menntasviðs og Vilborg Pétursdóttir teymisstjóri barna- og fjölskylduteymis fyrir hönd velferðarsviðs.

7. Áform um frumvarp til laga um brottfararstöð (2025010342)

Hera Ósk Einarsdóttir sviðsstjóri velferðarsviðs gerði grein fyrir málinu.

Fylgigögn:

Með því að smella hér má skoða málið í samráðsgátt stjórnvalda

8. Fundargerð Samtakahópsins 27. maí 2025 (2025020056)

Fundargerðin lögð fram.

Fylgigögn:

Fundargerð Samtakahópsins 27. maí 2025
Farsæld barna á Suðurnesjum - kynning
Verum örugg - niðurstöður Barna- og ungmennaþings Reykjanesbæjar 2025

9. Fjárhagsaðstoð og sérstakur húsnæðisstuðningur - tölulegar upplýsingar (2025020181)

Tölulegar upplýsingar vegna fjárhagsaðstoðar og sérstaks húsnæðisstuðnings í ágúst 2025 lagðar fram.

Fjárhagsaðstoð

Í ágúst 2025 fengu 117 einstaklingar greidda fjárhagsaðstoð til framfærslu frá Reykjanesbæ.

Alls voru greiddar 13.879.081 kr. í fjárhagsaðstoð til framfærslu eða að meðaltali um 118.625 kr. á hvern einstakling. Fjöldi barna á framfæri foreldra/forráðamanna á fjárhagsaðstoð var 33.

Í ágúst 2024 fengu 199 einstaklingar greidda fjárhagsaðstoð til framfærslu frá Reykjanesbæ. Alls voru greiddar 32.181.193 kr. í fjárhagsaðstoð til framfærslu eða að meðaltali 161.715 kr. á hvern einstakling. Fjöldi barna á framfæri foreldra/forráðamanna á fjárhagsaðstoð var 69.

Sérstakur húsnæðisstuðningur

Í ágúst 2025 fengu 286 einstaklingar greiddan sérstakan húsnæðisstuðning sveitarfélagsins. Samtals voru greiddar 6.801.304 kr.

Í sama mánuði 2024 fengu 278 einstaklingar greiddan sérstakan húsnæðisstuðning sveitarfélagsins, samtals 6.967.539 kr.

Áfrýjunarnefnd

Í ágúst 2025 var haldinn 1 fundur í áfrýjunarnefnd og 5 erindi lögð fyrir nefndina. 3 erindi voru samþykkt og 2 erindum var synjað.

10. Mælaborð velferðarsviðs (2025020180)

Hera Ósk Einarsdóttir sviðsstjóri velferðarsviðs fór yfir mælaborð fyrir janúar-júlí 2025.

Fleira ekki gert og fundi slitið kl. 15:06. Fundargerðin fer til afgreiðslu bæjarstjórnar 16. september 2025.