Viðstaddir: Eysteinn Eyjólfsson, Gunnar Felix Rúnarsson, Helga María Finnbjörnsdóttir, Ríkharður Ibsen, Róbert Jóhann Guðmundsson.
Starfsmenn: Sveinn Númi Vilhjálmsson bæjarverkfræðingur, Sigmundur Eyþórsson tæknifulltrúi, Hrefna Höskuldsdóttir ritari.
Lögð fram til kynningar fundargerð 267. fundar, dagsett, 6. júní 2019 með fullnaðarafgreiðslum erinda. Fundargerðin er í 9 liðum og má finna á vef Reykjanesbæjar.
Einnig er lögð fram til kynningar fundargerð 268. fundar, dagsett, 20. júní 2019 með fullnaðarafgreiðslum erinda. Fundargerðin er í 7 liðum og má finna á vef Reykjanesbæjar.
Afgreiðslu- og samráðsfundur byggingafulltrúa nr. 267
Afgreiðslu- og samráðsfundur byggingafulltrúa nr. 268
Romeo Ciuperca, framkvæmdastjóri Greencraft hefur fyrir hönd félagsins farið þess á leit við Reykjanesbæ að sveitarfélagið gefi fyrirtækinu viljayfirlýsingu, sem segi til um það að sveitarfélagið leggist ekki gegn áformum fyrirtækisins að svo stöddu. Áform fyrirtækisins eru að vinna efni úr Stapafelli, undir námuleyfi ÍAV, sem eftir meðhöndlun fyrirtækisins verði hægt að nota sem íblöndunarefni og til að skipta út sementi við gerð steinsteypu. Erindið var fyrst lagt fram 17. maí 2019, frestað og óskað eftir nánari gögnum, sem hafa nú borist.
Málinu frestað, óskað eftir frekari gögnum.
Urta Islandica ehf. leggur inn fyrirspurn um viðbyggingu við Básveg 10. Fyrst lagt fram 9. janúar 2019, vel var tekið í erindið en óskað eftir frekari gögnum. AOK arkitektar leggja fram nýja uppdrætti dags. 10. júní 2019.
Samþykkt með fyrirvara um grenndarkynningu án athugasemda.
Bergraf-Fasteignir ehf. óskar eftir því að leigja 2.250m2 af lóðinni Selvík 9 sem er 11.216m2 til að nýta sem geymslusvæði.
Reglur um lóðaveitingar í Reykjanesbæ heimila ekki þennan gjörning. Erindi hafnað.
Friðrik Ólafsson leggur fram fyrirspurn um að setja upp smáhýsi til útleigu fyrir ferðamenn á svæðinu með greinargerð dags 11. júní 2019.
Hugmyndin er vel ígrunduð og skýr. Stefna um framtíðarnot svæðisins hefur ekki verið mótuð. Hugmyndinni vísað til vinnu við deiliskipulag Fitja.
Elvar Gottskálksson óskar eftir að setja svalir á suðurhlið íbúðar sinnar við Leirdal 25.
Deiliskipulagsskilmálar fyrir þessi hús kveða sérstaklega á um samræmt útlit sem þessi breyting gengur gegn. Erindi hafnað.
Sveinbjörn Sverrisson og Sigrún Sumarliðadóttir óska eftir að staðfangi hússins sé breytt og það tilheyri Aðalgötu.
Lóðin er staðsett í öðrum enda Melteigs þar sem hann tengist Aðalgötu. Staðfangið veldur engri óvissu eða ruglingi sem réttlætti breytinguna. Erindi hafnað.
Lögð er fram umsögn skipulagsfulltrúa fyrir hönd Reykjanesbæjar um Suðurnesjalínu 2 milli Hamraness í Hafnarfirði og Rauðamels í Grindavík, frummatsskýrsla maí 2019.
Samþykkt.
Suðurnesjalína 2 frummatsskýrsla
Bjarki Sveinson f.h. Miðbæjareignir ehf. sækir um að reisa skjólgirðingu á lóðamörkum við göngustíg Dalsbrautar 30.
Samþykkt með fyrirvara um grenndarkynningu án athugasemda.
Kiwi veitingar ehf. leggja inn fyrirspurn um stækkun á húsi. Tveimur hæðum verður bætt ofan á einnar hæðar byggingu sem fyrir er, eldhús verður á fyrstu hæð en veitingasalir á hinum tveimur samkvæmt uppdráttum AOK arkitekta dags. 15.06.2019.
Breytingin er umfangsmikil og vegna staðsetningar nokkuð áberandi í bæjarmyndinni, auk þess sem starfsemi eykst umtalsvert með tilheyrandi umferð, en aðkoma er þröng. Umhverfis- og skipulagsráð tekur vel í erindið en vinna þarf deiliskipulag. Undirbúa þarf erindið nánar og óska eftir heimild til að vinna deiliskipulag að lóðinni og næsta nágrenni. Erindi frestað.
Anton Levchenko er úthlutað lóðinni Víðidalur 9.
Víðidalur 9 - niðurstaða hlutkestis
Fleira ekki gert og fundi slitið kl. 11.30. Fundargerðin fer til afgreiðslu bæjarráðs þann 11. júlí 2019.
Tjarnargötu 12 | 230 Reykjanesbæ | Sími: 421 6700
reykjanesbaer@reykjanesbaer.is | Kt. 470794-2169
Opnunartími: kl. 9:00 – 16:00 mán.-fim.
og kl. 9:00-15:00 fös
