Regína Fanný ráðin fjármálastjóri Reykjanesbæjar

Regína Fanný Guðmundsdóttir er nýr fjármálastjóri Reykjanesbæjar.
Regína Fanný Guðmundsdóttir er nýr fjármálastjóri Reykjanesbæjar.

Regína Fanný Guðmundsdóttir, löggiltur endurskoðandi og deildarstjóri reikningshalds hjá Reykjanesbæ, hefur verið ráðin fjármálastjóri Reykjanesbæjar.  Regína hefur sinnt störfum fjármálastjóra í tímabundinni ráðningu frá því desember 2018 þegar fyrrverandi fjármálastjóri lét af störfum.  Áður starfaði hún m.a. hjá BYR og fleiri fjármálastofnunum.

Regína hóf störf sem deildarstjóri reikningshalds hjá Reykjanesbæ í upphafi árs 2015 og hefur tekið virkan þátt í stjórnendateymi Reykjanesbæjar undanfarin misseri. Hún tekur við starfi fjármálastjóra 1. ágúst nk.

Við óskum Regínu innilega til hamingju með fastráðninguna.