Skólabyrjun og frí námsgögn

Frá kennslu í Heiðarskóla.
Frá kennslu í Heiðarskóla.

Nú styttist í skólabyrjun en grunnskólarnir í Reykjanesbæ verða allir settir þriðjudaginn 22. ágúst nk. Nánari tímasetningar má finna á heimasíðum grunnskólanna. 

Eins og áður hefur komið fram mun Reykjanesbær bjóða nemendum upp á frí námsgögn á komandi skólaári. Í haust verða því engir innkaupalistar, en foreldrar þurfa eftir sem áður að sjá börnum sínum fyrir skólatösku, sund- og íþróttafatnaði ásamt ritföngum til afnota heima fyrir.