Málþingið Þjónandi forysta: nýjar rannsóknir og reynsla af þjónandi forystu í daglegum störfum verður haldið 19. maí kl. 17:00 til 19:50 á Heilbrigðisstofnun Suðurnesja

Dagskrá:

17:00 - 18:10: Rannsóknir um þjónandi forystu.

Nýútskrifaðir meistarar og meistaranemar auk Dr. Sigrúnar Gunnarsdóttur við Háskóla Íslands kynna nýjar rannsóknir um þjónandi forystu og tengsl hennar við starfsánægju og gæði þjónustu hér á landi. Kynntar verða rannsóknir sem unnar eru með lífeindafræðingum, starfsfólki sjúkrahúsa, starfsfólki þjónustufyrirtækis, starfsfólki félagsþjónustu og erlendum konum sem þáðu mæðravernd hér á landi.

Eftirtaldar kynna rannsóknir sínar: Alda M. Hauksdóttir (lífeindafræðingar), Birna G. Jónsdóttir (erlendar mæður), Erla Björk Sverrisdóttir (starfsfólk sjúkrahúsa), Sólveig Reynisdóttir (starfsfólk þjónustufyrirtækis) og Steingerður Kristjánsdóttir (starfsfólk félagsþjónustu).

18:10 - 19:00: Samtal í hópum um þjónandi forystu og kvöldverður.

19:00 - 19:50: Þjónandi forysta í daglegum störfum. Reynsla af þjónandi forystu hér á landi í heilbrigðisþjónustunni og í starfi kirkjunnar.

Sr. Lena Rós Matthíasdóttir, Grafarvogskirkju og Þórunn Benediktsdóttirhjúkrunarforstjóri Heilbrigðisstofnunar Suðurnesja fjalla um reynslu sína af þjónandi forystu í daglegum störfum.

Málþingið er opið öllum áhugasömum.

Staðsetning: Heilbrigðisstofnun Suðurnesja (HSS), Keflavík, fundarsalur þriðju hæð*

Þátttökugjald er kr. 1000, vegna kostnaðar við kvöldverð.

Skráning hjá thjonandiforysta hja thjonandiforysta.is og hjá Keflavíkurkirkju.

* Málþingið er haldið í fundarsal HSS á þriðju hæð. Gengið er inn um aðalinnganginn og til vinstri og síðan til hægri að lyftu sem er tekin upp á þriðju hæð (eða farið stigann!).