Köllum eftir þátttöku úr samfélaginu

Undirbúningur BAUNAR, barna- og ungmennahátíðar Reykjanesbæjar, er nú hafinn. Hátíðin fer fram dagana 30. apríl til 10. maí 2026 og verður líkt og áður helguð börnum, ungmennum og fjölskyldum í Reykjanesbæ.

BAUN hefur það að markmiði að skapa vettvang fyrir gleði, sköpun og virka þátttöku í samfélaginu. Hátíðin byggir á samstarfi við fjölbreytta aðila og í undirbúningi hennar er lögð áhersla á að virkja ólíkar raddir, hugmyndir og krafta úr samfélaginu.

Í tengslum við undirbúning hátíðarinnar er nú kallað eftir þátttöku og samstarfi frá einstaklingum, félögum, listafólki, stofnunum, fyrirtækjum og öðrum sem hafa áhuga á að leggja sitt af mörkum til BAUNAR. Á næstu vikum verður meðal annars:

• leitað eftir hugmyndum að viðburðum og verkefnum sem geta orðið hluti af dagskrá BAUNAR

• kallað eftir samstarfi við félög og hópa sem hafa áhuga á að taka þátt í framkvæmd viðburða eða smiðja í samráði við hátíðina

• áfram hlustað eftir hugmyndum og sjónarmiðum barna og ungmenna sjálfra með könnun í öllum leik- og grunnskólum bæjarins

Allir þeir sem hafa áhuga á að leggja sitt af mörkum til að skapa frábæra hátíð eru hvattir til að senda upplýsingar á menningarfulltrui@reykjanesbaer.is fyrir 1. mars n.k.