Frá Stóru upplestrarkeppninni
Frá Stóru upplestrarkeppninni

Andrea Ósk Sigurðardóttir nemandi í Holtaskóla sigraði í Stóru upplestrarkeppninni sem fram fór í Duushúsum 4. mars sl.

Þar komu fram 12 nemendur í grunnskólum Reykjanesbæjar og Sandgerðis en þeir höfðu áunnið sér rétt til þátttöku eftir að hafa sigrað í skólakeppni. Í öðru sæti varð Bjarni Fannar Bjarnason úr Heiðarskóla og í þriðja sæti Teitur Ari Theódórsson úr Akurskóla.

Stóra upplestrarkeppnin hefst á degi íslenskrar tungu 16. nóvember og sjá kennarar sem kenna 7. bekkingum um þjálfun í framsögn og fallegum upplestri með nemendum allan veturinn.

Á hátíðinni komu fram jafnaldrar keppenda úr Tónlistarskólum Reykjanesbæjar og Sandgerði og fluttu tónverk.

Fræðsluskrifstofa Reykjanesbæjar þakkar öllum þeim sem komu að þessu verkefni í ár og óskar sigurvegurunum til hamingju.

Mynd: sigurvegarar í Stóru upplestrarkeppninni ásamt skólastjórum.