Frístundaakstur í Reykjanesbæ!

Frístundaakstur hafinn fyrir börn sem taka þátt í starfi frístundaheimila í grunnskólum Reykjanesbæjar

Frístundaaksturinn hófst 9. ágúst síðastliðinn samhliða því að boðið var upp á frístundastarf fyrir nemendur í 1. bekk fyrir skólabyrjun. Um er að ræða þróunarverkefni og er öllum ábendingum tekið fagnandi, en þær má senda á netfangið forvarnir@reykjanesbaer.is.

Meginmarkmið verkefnisins er að stuðl að aukinni þátttöku barna í frístundastarfi grunnskólanna ásamt því að auka þátttöku þeirra í því fjölbreyttu íþrótta- og tómstundastarfi sem boðið er upp á í sveitarfélaginu okkar. Við sjáum nú þegar mikla fjölgun í frístundaheimilum og bindum vonir við að aksturinn verði mikið framfaraspor og til farsældar fyrir börn og fjölskyldur í Reykjanesbæ.

Aksturinn er innifalinn í gjaldi frístundaheimila og er allt skipulag er unnið í góðu samstarfi við íþrótta- og tómstundahreyfinguna.

Verklagið er eftirfarandi:

Foreldrar/forráðamenn kanna hjá íþrótta- og tómstundafélögunum hvaða æfingar/fundir eru í boði og panta akstur í gegnum forstöðumann síns frístundaheimilis. Taka þarf fram hvar og hvenær æfingin er, sem og hvenær sé gert ráð fyrir að æfingu ljúki.

Síðasti akstur frá skólum er 15:30 og 15:45 frá íþróttasvæðinu við Krossmóa. Þá er gert ráð fyrir að foreldrar sæki börnin sín á þann stað sem þau ljúka æfingu eða fundi. Enda kannski ekki tími til að aka barninu til baka í frístundaheimilið.

Tímatafla Bus4u: Smelltu hér.

Vakin er sérstök athygli á að þetta verkefni er í þróun og mun taka einhvern tíma að slípast til

Nánari upplýsingar