Úr geðræktargöngu.
Úr geðræktargöngu.

Geðræktarganga Bjargarinnar fór fram í fimmta skipti síðastliðið mánudagskvöld. Gangan markar upphaf Heilsu- og forvarnarviku í Reykjanesbæ. Góð þátttaka var í göngunni enda fínt gönguveður og skapaðist góð stemmning undir trommuslætti frá nemendum Tónlistarskóla Reykjanesbæjar. Geðorðin voru lesin upp á leiðinni og hengd á nokkra ljósastaura til að vekja athygli á mikilvægi þess að rækta geðheilsuna, líkt og líkamlega heilsu. Eftir gönguna var boðið upp á heitt kakó í boði Skólamatar og Björgin bauð upp á meðlæti. Við þökkum góðar viðtökur og þeim fyrirtækjum og stofnunum sem lögðu okkur lið.