Kynningarfundur um fjölþætta heilsueflingu fyrir 65+

Línudans getur verið liður í heilsueflingu. Hér er dansað á Nesvöllum.
Línudans getur verið liður í heilsueflingu. Hér er dansað á Nesvöllum.

Í kvöld, þriðjudaginn 18. apríl, kl. 20:00 verður haldinn kynningarfundur um fjölþætta heilsueflingu í Reykjanesbæ - heilsuefling fyrir eldri aldurshópa, 65+ á Nesvöllum.

Verkefnið snýst um að koma á fót skipulagrði heilsueflingu til lengri tíma í Reykjanesbæ fyrir eldri aldurshópa, 65 ára og eldri. Markmiðið er einnig að efla heilsutengd lífsgæði eldri aldurshópa í bænum og að draga úr útgjöldum hins opinbera og sveitarfélaga með markvissri heilsueflingu.

Verkefnið er unnið i nánu samstarfi við Velferðarsvið Reykjanesbæjar og Heilbrigðisstofnun Suðurnesja.

Ábyrgðarmaður verkefnis er Dr. Janus Guðlaugsson íþrótta- og heilsufræðingur og lektor við Háskóla Íslands. Yfirumsjón með þjálfun hefur Ingvi Guðmundsson, BS-íþróttafræðingur og meistaranemi við Háskóla Íslands.