Óskað eftir tilboðum í tímabundið húsnæði

Nemendahópur í Akurskóla.
Nemendahópur í Akurskóla.

Reykjanesbær óskar eftir tilboðum í uppsetningu og fullnaðarfrágang á tímabundnu húsnæði fyrir nýjan grunnskóla í Dalshverfi í Reykjanesbæ. Húsnæðið verður á einni hæð og er flatarmál þess um 600 fm. Í húsnæðinu verða þrjár kennslustofur, matsalur og eldhús, kennarastofa og önnur stoðrými.

Miða skal við að auðvelt sé að fjarlægja húsnæðið og setja upp á öðrum stað þegar fyrirhugaðri notkun þess lýkur. Bjóðendur geta boðið mismunandi byggingaraðferðir. Húsnæðið skal standast þær sömu kröfur og almennt gildir um húsbyggingar á Íslandi. Verklok miðast við 15.ágúst 2017.

Útboðsgögn verða afhent rafrænt til þeirra sem eftir þeim óska hjá umsjónaraðila. Fyrirspurnir skulu berast til Sveins Björnssonar á netfangið: sveinn.bjornsson@reykjanesbaer.is. Útboðsgögn verða afhent 6. apríl 2017 kl. 9:00 og skilafrestur útboðs er þann 19. apríl kl. 10:59. Nánari upplýsingar eru á utbodsvefur.is.

Umsjónaraðili útboðsins er: Umhverfissvið Reykjanesbæjar.